RSS

Category Archives: Hindi Poetry

Kab tak in Aansuwon ko tum Bahaogey


Ek din humne apni behte hue aansuon se puncha
Kyun behte ho tum, kyun rukte nahi ho tum
Wo hasna Chahte the lekin achanak ruk se gaye
Shayad Gum ka bojh un par phir se bhari padh gaya
Wo dabi hui aawaaz mein mujhe bolein
Dil mein tumhare bahut gum hai
Un gamoen ke samne hum toh bahut hi kam hain

Tum Duniya se apne dard chupate ho
Samay Samay par hamein tum pi Jatein ho
Mann Tumhara hamesha Rota hain
Aur tum phir humse puchte ho aisa kyun hota hain

Hum toh kabhi kabhi tham jate hain..
Tumhe hum ehsaas dialate hain ki hum bhi thak gaye hain
Magar tumhara dil bas rota hi rehta hai
Jane kitne janmo ka dard liye rehta hain

Hum toh Aansu hain, hamara kaam hai behna
Gum ko apne Ukhad pheko maan lo hamara ye kehna
Dukh to bahut hoga aur Dukh saath apne dard layega
Magar ab na ruko tum, kyonki ab inhe nikal na paye toh
Iss daldal se tumhe koi nikaal nahi payega….

Advertisements
 
2 Comments

Posted by on April 5, 2012 in Hindi Poetry

 

Tags: , ,

Jhuthe Pyaar Se Accha Sachi Nafrat hi kar li hoti Tumne


Is tutey dil ko kaise jodein hum

Jab nafrat hi karni thi toh pyaar kyun kiya

Jab zulm hi dhane the toh aitbaar kyun kiya

Keh diya hota Usi samay humase

Ke nahi hai mohabbat Hamein tumse……….

….

Jab dil hi nahi tha dene ke liye

Toh tumhe fursat mili kaise pyaar ke liye

Jhuthe pyaar se accha Sachi Nafrat hi kar li hoti tumne

Dil mein tumhare kitni Nafrat hai dikha di hoti tumne

……..

Bus itna Keh diya hota tumne mujhe……

Pyaar koi khel nahi aur hum dono ka koi mail nahi

Hum apne dil ko pathar bana lete

Kisi tarah usey behla fusla kar mana lete……..

…..
Chot jab ab abhi lagi hai toh Zakhm bhi rehengey

Dard hua hai toh aansu bhi bahengey

Aur jaise-2 yeh Khoon ke aanshu beh rehein hai

waise-2 mere dil ke armaan simat rahein hai……

….

Magar ye mat sochna ki hum bhi tumse nafrat karengey

kyonki Jabtak jiyengey tumse bas pyaar hi karengey

Khoon ke aansu toh bahana aa gaya hai hamein

Ab bas tumhare bina kaise jeena hai yeh Seekhna hai hamein………………

 
7 Comments

Posted by on December 28, 2011 in Fiction Stories, Hindi Poetry

 

Tags: , ,

Adhuri baatein aur Chupe Raaz


Kuch batein thi jo ankahi si reh gayi

kuch raaz the jo kabhi khul hi na sake

unhone bas ruth kar alvida keh diya

na jaane unhone hamare saath aisa kyun kiya……

 

Unka yun ruthna aur bin bole chale jana

pata nahi kaise saheja ye diwana

unki hansi mein zindagi thi jiski

Dil se nikaal phenke unko kya mazaal uski……..

Is aas mein woh baitha raha

ki ek din woh aayegi aur use gale se lagayegi

aansu woh bahata raha is ummed mein,

ki ek din woh aayegi aur uski dil ki aarzu ban jayegi……

 

Ab sochta hun,

Kuch aise lafz aayein zuba par hamare

dil ko jaise chu jaye tumhare

kar de puri baat jo reh gayi thi adhuri.

khol de raaz jinka khulna hai zaroori…..

 
Leave a comment

Posted by on November 29, 2011 in Hindi Poetry

 

Tags: ,

Phir Se Udegi Patang Hamari


Udati hue patango ko dekha karte the hum,

Un patango ki unchai se unche sapane sajaya karte the hum.

Dil mein hamane kai khwaab jagaye the

Unko haasil kar lengey aisey lakhsya banaye the

Lekin Patang hamari kat gayi hai,

Udaan hamari jaise tham si gayi hai.

Na Jane hamare khwaab hamase kyon ruth gaye hain

Woh Sapne hamane jo Dekhe the kyon tut gaye hain

Par na jane kyun is pagal mann ko ye haar gawara nahi

Aise girna aur phir haar mann lena Shero ka kaam nahi.

Jo Sapne so gaye hain, ab unhe jagayengey,

Aur Jo Khwaab ruth gaye hain ab unhe manayengey

Ab bas jeetna hai ye toh humane baat than li hai,

kyonki raaj jeetney ka ab hamane jaan li hai

Tum bhi kyon mujhe aise dekh rahe ho

mere sapne kaha gaye aise kyon soch rahe ho!!!!

 
2 Comments

Posted by on October 14, 2011 in Hindi Poetry

 

Tags: , ,